Güləşçimiz Həsrət Cəfərov “Paris-2024”ə qələbə ilə başladı

Parisdə təşkil olunan Olimpiadada daha bir yunan-Roma güləşçimiz mübarizəyə başlayıb.

Pəhləvanlarımızdan 67 kq-dək çəkidə qüvvəsini sınayan Həsrət Cəfərov ilk görüşünü 1/8 finalda keçirib.

Misirli Mohamed Elsayedlə qarşılaşan idmançımız onu məğlub edərək 1/4 finalda iştirak hüququ əldə edib.

Qeyd edək ki, Həsrət Cəfərov son iki Avropa çempionatının qalibidir. Qran-Pri turnirlərində 3 dəfə 1-ci olan yunan-Roma güləşçimiz Konya-2021 İslamiadasında da fəxri kürsünün ən yüksək pilləsinə qalxıb. Dünya çempionatlarında isə idmançımız 1 gümüş və 1 bürünc mükafatı aktivinə yazdırıb.