İdman
Pleyeri seçin:
I divizion matçında qeyri-adi avtoqol qeydə alınıb
I divizionun 26-cı turu çərçivəsində keçirilən “Şamaxı-2” və “İmişli” klubları arasında matçda qeyri-adi avtoqol qeydə alınıb.
Oyunun 2-ci dəqiqəsində Şamaxı kollektivinin hücumu zamanı sağ cinahdan edilən ötürmədən sonra Rafət Aydınov topu komandasının qapısından keçirib.
Tezliklə R.Aydınov səhvini düzətməyi bacarıb. 15-ci dəqiqədə uzun ötürmədən sonra əlverişli mövqe seçən Rafət fərqlənərək tarazlığı bərpa edib: 1-1. Bundan sonra qonaqların yenə qol vurmaq imkanları olsa da, cəhdləri nəticəsiz qalıb. 43-cü dəqiqədə isə Şamaxı komandası yenidən irəli çıxıb. Asim Əlizadə qapını dəqiq nişan alıb: 2-1.
İlk hissədə başqa qol olmayıb. Fasilədən sonra da qapılar qarşısında təhlükəli vəziyyətlər yaransa da, hesab dəyişməyib. Ardıcıl 4 məğlubiyyətdən sonra qalib gələn “Şamaxı-2” I divizionda 30 xalla 10-cu yerdədir. Son 5 görüşdə uduzan “İmişli” isə 19 xalla 14-cüdür.
Kopyalandı
Seçilmişlər
