İdman jurnalistləri Abubakarın “Neftçi”yə transferini belə şərh etdi

“Neftçi” futbol klubunun transfer etdiyi kamerunlu hücumçu Vinsent Abubakar bir neçə gün öncə Bakıya gəlib.

Məşhur futbolçunu Heydər Əliyev Beynəlxalq Hava Limanında “Neftçi”nin azarkeşləri coşqu ilə qarşılayıblar.

“Portu”, “Əl-Nəsr”, “Beşiktaş”, “Hatayspor” kimi klublarda forma geyinən oyunçu “Neftçi”yə çempionluq üçün gəldiyini də qeyd edib.

Maraqlıdır, görəsən, Abubakar bu mövsüm “Neftçi”yə nə dərəcədə faydalı olacaq?

İdman jurnalisti Xanoğlan İmanovun sözlərinə görə, Abubakar “Neftçi”nin gücünə güc qatacaq:

“Bu transfer barədə fikirlər müxtəlifdir: onu bəyənənlər də var, bəyənməyənlər də. Abubakarın kluba faydalı olub-olmayacağını isə oyun meydanında görəcəyik”.

Qeyd edək ki, sonuncu dəfə Türkiyə Superliqasında çıxış edən 33 yaşlı hücumçu “Hatayspor”un heyətində keçirdiyi 25 oyunda 7 qol və 2 məhsuldar ötürmə ilə diqqət çəkib.