İdmançımız Namiq Abaslı Misirdə qızıl medal qazanıb

Paracüdo millimizin üzvü Namiq Abaslı daha bir uğura imza atıb.

73 kq çəki dərəcəsində çıxış edən N.Abaslı Misirin İskəndəriyyə şəhərində təşkil olunan Qran-pri yarışında qızıl medalın sahibi olub. Bununla da, Namiq karyerasında daha bir mükafata yiyələnib.

25 yaşlı idmançı daha əvvəl “Tokio-2020” Paralimpiya Oyunları, Dünya və Avropa Çempionatları, habelə Dünya Kuboku turnirlərində bürünc mükafat əldə edib. O, eyni zamanda ötən il ölkəmizdə keçirilən paracüdo üzrə Dünya Çempionatında komandaların mübarizəsində qızıl medal qazanıb.