İngiltərə Premyer Liqasında 19-cu turun oyunları keçirilir

28 dekabr 2023 448 baxış

İngiltərə Premyer liqasında 19-cu turun növbəti görüşləri keçirilib.

“Everton” klubu son çempion “Mançester Siti” ilə üz-üzə gəlib.

Oyunda hesabı ev sahibi komanda açıb. 29-cu dəqiqədə Cek Harrison “şəhərlilər”in qapısını dəqiq nişan alıb. İlk hissədə başqa qol olmayıb və “mersisayd təmsilçisi” fasiləyə üstün yollanıb.

Lakin “Siti” ikinci yarıda geridönüş etməyi bacarıb. Fil Foden, Xulian Alvarez və Bernardo Silvanın qolları “Mançester Siti”yə 3-1 hesablı qələbə qazandırıb. Bu qalibiyyətdən sonra xallarının sayını 37-ə çatdıran “şəhərlilər” 4-cü pillədə qərarlaşıb.

Gecənin daha bir oyunu cari mövsüm qeyri-sabit nəticələrlə diqqət çəkən “Çelsi” və “Kristal Pelas” arasında olub. “Stemford Bric”də baş tutan matçda hesabı meydan sahibləri 2-1 hesablı qələbə qazanıblar. “Zadəganlar”ın heyətindən Mudrik və Madueke fərqlənib. Bu qələbədən sonra xallarının sayını 25-ə çatdıran “Çelsi” 10-cu pillədədir.

#Futbol xəbərləri