Pleyeri seçin:
“İnter”in ulduzu “Fənərbağça”ya keçir
“İnter”in əsas ulduzlarından Edin Dzeko “Fənərbağça”ya keçməyə yaxındır. Milan təmsilçisi ilə iyunun sonunadək nəzərdə tutulan müqaviləsini uzatmayan 37 yaşlı forvard İstanbul nəhənginə qoşulmaq istəyir.
Bu barədə İtaliya mətbuatında xəbərlər paylaşılır. Bildirilir ki, 2022/2023-cü illər mövsümündə Super Liqada qeyri-sabit çıxışı ilə diqqət çəkən və yekunda 2-ci yeri tutan “Fənərbağça” heyətini gücləndirməyə hazırlaşır. Yeni mövsümdə iddialı olmağı hədəfləyən komanda E.Dzekoya 2 illik müqavilə və 6 milyon avro məvacib təklif edib.
Qeyd edək ki, 2021-ci ildən “İnter”də çıxış edən Edin 101 oyunda 31 qolla yadda qalıb. Təcrübəli hücumçu bu müddət ərzində “neradzurri” ilə ölkə kuboku və super kubokda 2 dəfə qalib gəlib.
Kopyalandı