İŞİD-dən Çempionlar Liqasına təhdid

İŞİD terror təşkilatı Çempionlar Liqasının matçlarında terror aktı törətmək niyyətindədir.

Bu barədə İspaniyanın “Marca” nəşrində yazı dərc olunub. Belə ki, terror təşkilatı sosial şəbəkələrdə London, Paris və Madriddəki futbol stadionlarının əks olunduğu və "Hamısını öldürün" yazılan plakat yayıb.

Qeyd edək ki, İŞİD terror təşkilatının təhdidindən sonra matçların keçirilməsi ilə bağlı hər hansı dəyişiklik edilməyib. Bildirilib ki, hüquq-mühafizə orqanları artıq təhlükədən xəbərdardır və bununla əlaqədar əlavə tədbirlər görmək niyyətindədir.