İdman
Pleyeri seçin:
İspaniya çempionatı : “Barselona” - “Real” matçı
İspaniya çempionatında 26-cı tura “El Klasiko” ilə yekun vurulub.
“Barselona” “Kamp Nou” arenasında “Real”ı qəbul edib. 3 qolun qeydə alındığı görüşdə sevinən tərəf kataloniyalılar olub. Hərçənd ki, hesabı 9-cu dəqiqədə kral klubu açıb. Vinisiusun ötürməsindən sonra top Arauxoya dəyərək rikoşetlə qapıya daxil olub. Bundan sonra hücumlarını sürətləndirən meydan sahibləri ilk yarının sonlarında tarazlığı bərpa ediblər. Fasilə ərəfəsində Serji Roberto fərqlənib: 1-1.
2-ci hissə də gərgin mübarizə ilə diqqət çəkib. Çempionluq yarışında qalmaq istəyən “Real” qələbə qolu üçün irəli atılsa da, cəhdləri nəticəsiz qalıb. Əvəzində əsas vaxta artırılan dəqiqələrdə Frank Kessye oyunda son nöqtəni qoyub. Barselona - Real Madrid: 2-1.
Rəsmi “El-Klassiko”larda 100-cü qələbəsini qazanan “Barsa” xallarının sayını 68-ə çatdıraraq “La Liqa”da liderliyini bir qədər də möhkəmləndirib. “Real” isə 56 xalla 2-ci yerdədir.
Kopyalandı
Seçilmişlər
