İdman
Pleyeri seçin:
İspaniya çempionatında 3-cü turun növbəti oyunu olub
Yeni mövsümə baş məşqçi Hansi Fliklə start verən “Barselona” La liqada ardıcıl 3-cü qələbəsini qazanıb.
Çempionatın 3-cü turunda “Rayo Valyekano”nun qonağı olan “blauqrana” 2-1 hesabı ilə güclü olub. Hərçənd Madriddə keçirilən qarşılaşmada ilk qolu meydan sahibləri vurublar. Unai Lopes “Rayo”nu irəli çıxarıb.
Fasiləyə tərəflər yerli kollektivin minimal üstünlüyü ilə yollanıblar. 2-ci yarıda isə kataloniyalılar dönüş etməyi bacarıblar. Əvvəlcə 1 saatın tamamında Pedri tarazlığı bərpa edib: 1-1.
Görüşün sonlarında isə komandanın yeni üzvü Dani Olmo “Barsa”ya qalibiyyəti gətirən qolun müəllifi olub. Bu nəticədən sonra xallarının sayını 9-a çatdıran “Barselona” yarış cədvəlinin vahid lideridir. Komanda ən yaxın izləyicisi “Vilyarreal”ı 2 xal qabaqlayır. Növbəti turda isə “blauqrana” öz meydanında “Valyadolid”lə üz-üzə gələcək.
Kopyalandı
Seçilmişlər
