Pleyeri seçin:
İtaliya Superkubokunda qalibin adı bəlli oldu
İtaliya Superkubokunda qalibin adına aydınlıq gəlib.
A Seriyasının son çempionu “Napoli” və ölkə kubokunun sahibi “İnter” Səudiyyə Ərəbistanının paytaxtı Ər-Riyadda qarşılaşıblar. “Əl-Avval” stadionunda keçirilən oyun gərgin mübarizə ilə yadda qalıb.
Nəticədə baş hakim Antonio Rapuano 10 futbolçuya sarı vərəqə göstərib. 60-cı dəqiqədə isə “neapollular” azlıqda qalıblar. Covanni Simeone 2-ci rəsmi xəbərdarlıqdan sonra meydandan qovulub. Görüşün taleyini isə 1 qol həll edib.
Əsas vaxta artırılan dəqiqədə Lautaro Martines fərqlənib. 1-0 hesablı qələbə qazanan “neradzurri” ardıcıl 3-cü, ümumən isə tarixində 8-ci dəfə superkubokun sahibi olub.
Qeyd edək ki, “İnter” cari mövsümdə A Seriyasında çempionluq mübarizəsini də davam etdirir. 51 xalı olan və lider "Yuventus"dan 1 xal geri qalan Milan təmsilçisi 2-ci yerdədir.
Kopyalandı
Seçilmişlər
