İdman
Pleyeri seçin:
Joze Mourinyo və Qurban Qurbanov məşhur klubun hədəfində
Yeni baş məşqçi axtarışını davam etdirən “Beşiktaş” iki namizəd arasında qalıb.
Türkiyə mediasında yayılan xəbərə görə, “qara qartallar” komandanın sükanı arxasında Joze Mourinyo və ya Qurban Qurbanovu görmək istəyirlər. Bildirilib ki, rəhbərliklə danışıqlar üçün İstanbula yollanan portuqaliyalı çalışdırıcı artıq “Beşiktaş”ın məşq bazasında da olub.
Qeyd edək ki, son olaraq “Roma”da işləyən və hazırda klubsuz olan J.Mourinyo ilə danışıqlar aparan Türkiyə nəhəngi Qurban Qurbanovun da namizədliyini nəzərdən keçirir. Azərbaycanlı mütəxəssis mətbuat konfranslarında “Qarabağ”dan ayrılmaq istəmədiyini bildirsə də, İstanbul təmsilçisinin idarəçiləri mövsümün sonunda ona təklif göndərməyi planlaşdırır.
Xatırladaq ki, Super Liqada 5 oyundur qələbəyə həsrət olan “Beşiktaş” bir müddət əvvəl portuqaliyalı baş məşqçi Fernandu Santuşu istefaya göndərib. Aktivində 48 xalı olan kollektiv hazırda çempionatda 4-cü yerdədir.
Kopyalandı
Seçilmişlər
