Karlo Ançelotti Arda Gülərlə bağlı qərarını verdi

“Real Madrid” komandasının baş məşqçisi Karlo Ançelotti Arda Gülərin gələcəyi ilə bağlı qərar verib.

İspaniya mətbuatında yer alan xəbərlərə görə, italiyalı mütəxəssis Ardanı icarə əsasında başqa kluba göndərmək niyyətindədir.

Bildirilib ki, K.Ançelotti bu yolla A.Gülərin daha çox oyun praktikası əldə edəcəyinə inanır.

Qeyd edək ki, komandaya qoşulduqdan sonra bir müddət zədələrdən əziyyət çəkən oyunçunun ehtiyatda qalmaqdan narazı olduğu barədə xəbərlər yayılmaqdadır. Belə ki, ötən ilin yayından “los blankos”un formasını geyinən türkiyəli futbolçu mövsüm ərzində cəmi 6 görüşdə meydana çıxıb.

Xatırladaq ki, “Real Madrid” Arda Gülərin transferinə görə “Fənərbağça”ya 20 milyon avro ödəyib. Ancaq futbolçunun çıxışından asılı olaraq bu məbləğ arta bilər.

Əlavə edək ki, “Transfermarkt” portalına görə dəyəri 15 milyon avro olan Ardanın “Real”la müqaviləsi 2029-cu ildə yekunlaşacaq.