Pleyeri seçin:
Kərim Benzema gələcəyi ilə bağlı qərar verib
Fransalı futbol ulduzu Kərim Benzema bu mövsümün sonunda karyerasını bitirəcək.
Hazırda Səudiyyə Ərəbistanının “Əl-İttihad” kollektivində top qovan 36 yaşlı hücumçu sabiq komandası “Real Madrid”də klubun səfiri vəzifəsində işləyəcək. İspaniya nəhəngi ilə razılığa gələn Kərim gələn yay Madridə qayıtmağa hazırlaşır.
Qeyd edək ki, “Lion”un yetirməsi olan K.Benzema 2009-2023-cü illərdə “Real”ın şərəfini qoruyub. 35 milyon avroya transfer olunan forvard “los blankos”un heyətində 648 görüşdə 354 qol və 165 assistlə yadda qalıb.
“Kral klubu” ilə La Liqa, İspaniya Super Kuboku, eləcə də UEFA Super Kubokunda 4 dəfə qalib gələn futbolçu Çempionlar Liqası və klublararası dünya çempionatında 5, İspaniya Kubokunda isə 3 dəfə qələbə qazanıb.
2022-ci ildə “Qızıl top” mükafatına layiq görülən Kərim ötən ilin yayında azad agent kimi “Əl-İttihad”a qoşulub. Bu komandanın heyətində 40 matça çıxan veteran oyunçu 23 qol və 11 məhsuldar ötürmə müəllifi olub.
Kopyalandı
#Kərim Benzema teqi istifadə olunub
Seçilmişlər
