Kərim Benzema karyerası ilə bağlı qərarını açıqlayıb

“Real”ın kapitanı Kərim Benzema karyerası ilə bağlı önəmli qərar verib. 35 yaşlı hücumçu Fransa millisindəki çıxışını başa vurub.

Təcrübəli forvard bu barədə sosial şəbəkə hesabında paylaşım edib. O, postu bu sözlərlə tamamlayıb: “Mən öz tariximi yazdım. Artıq ortaq hekayəmiz başa çatır”.

Qeyd edək ki, Benzema 2007-ci ildən Fransa yığmasının üzvüdür. 2016-2021-ci illərdə komandaya dəvət olunmayan forvard bununla belə bütün turnirlərdə 97 matçda iştirak edib. O bu qarşılaşmalarda 37 dəfə rəqib qapılarına yol tapıb. 2008 və 2012-ci illərdə Avropa çempionatında, 2010-cu ildə isə dünya çempionatında çıxış edən veteran oyunçu bu yarışlarda qalib gələ bilməyib. Fransa seçməsi üçün qələbə ilə yekunlaşan 2018-ci il mundialında isə baş məşqçi Didye Deşam onu komandaya dəvət etməyib.