İdman
Pleyeri seçin:
Konfrans Liqası: "Qarabağ" - "Gent" matçı
“Qarabağ” klubu UEFA Konfrans liqasında növbəti görüşünə çıxıb. Komandamız 1/16 final mərhələsinin ilk matçında Belçika təmsilçisi “Gent”i qəbul edib.
Tofiq Bəhramov adına Respublika stadionunda keçirilən oyunun ilk hissəsi bərabər səviyyəli mübarizə ilə yadda qalıb. Tərəflərin fərqlənmək imkanı olsa da, fasiləyədək hesab açılmayıb.
2-ci yarıda hücumlarını sürətləndirən “köhlən atlar” 51-ci dəqiqədə penalti vurmaq imkanı qazanıblar. Lakin Ramil Şeydayevin zərbəsi dəqiq olmayıb. Komandamızın səyləri 78-ci dəqiqədə nəticə verib. Leandro Andrade “Gent”in qapısına yol tapıb.
Qalan vaxtda qonaqlar məğlubiyyətdən qurtulmağa çalışsalar da, bu mümkün olmayıb. Beləliklə, 1-0 hesablı qələbə qazanan “Qarabağ” səfər matçından əvvəl üstünlük əldə edib.
Qeyd edək ki, bu komandalar arasında cavab oyunu fevralın 23-ü Belçikada keçiriləcək.
Kopyalandı
Seçilmişlər
