İdman
Pleyeri seçin:
Kriştiano Ronaldo “Əl-Nəsr”də qalmaq üçün şərt qoydu
Dünya futbolunun portuqaliyalı ulduzu Kriştiano Ronaldo “Əl-Nəsr”dən ayrıla bilər.
Bu barədə xarici mediada xəbərlər paylaşılır. Bildirilir ki, 39 yaşlı forvard karyerasını Səudiyyə Ərəbistanı klubunda davam etdirməyə müsbət yanaşmır.
Təcrübəli oyunçu kuboklar qazanmaq istəsə də, “Əl-Nəsr”in hazırkı heyətinin rəqiblərdən geridə olduğunun və Asiya Çempionlar Liqası uğrunda mübarizədə də çətinliklər çəkdiyinin fərqindədir. Lakin Ronaldonun klubda qalmaq üçün şərti var.
Belə ki, ulduz hücumçu lazımi transferlər edildiyi təqdirdə “Əl-Nəsr’lə müqaviləsini uzatmağa hazır olduğunu bildirib. Onun klubla sözləşməsi yayda başa çatacaq.
Kopyalandı
