Kriştiano Ronaldo hakimin qərarına sərt reaksiya verdi

"Əl-Nəsr"in superulduzu Kriştiano Ronaldo Səudiyyə Ərəbistanı kubokunda "Abha" kollektivi ilə matçda əsəblərini cilovlaya bilməyib.

İlk hissənin sonlarında əks-hücum üçün irəli atılan veteran hücumçu qarşılaşmanı dayandıran hakimin qərarına sərt reaksiya verib. 38 yaşlı forvard referinin fitindən sonra qəzəbli şəkildə topa zərbə endirib.

Oyunun baş hakimi Ronaldonun bu davranışını cavabsız qoymayaraq Kriştianoya sarı vərəqə göstərib. Ulduz futbolçu oyunun sonlarında baş məşqçi Rudi Qarsiyanın onu əvəzləməsinə də sərt reaksiya verib.