İdman
Pleyeri seçin:
Kriştiano Ronaldodan gələcəyi ilə bağlı qərar
Kriştiano Ronaldo “Əl-Nəsr” klubu ilə yeni müqavilə üzrə danışıqlara başlayıb.
İllik məvacibi 200 milyon avro olan portuqaliyalı ulduz millinin düşərgəsinə yollanmazdan əvvəl yeni sözləşmə üzrə görüşdə iştirak edib. Son məlumata görə, tərəflər arasında danışıqlar müsbət nəticələnib.
Qeyd edək ki, Səudiyyə Ərəbistanı təmsilçisi ilə hazırkı müqaviləsi gələn yayadək olan Ronaldo 2023-cü ilin yanvarından “Əl-Nəsr”in üzvüdür. Bu müddət ərzində 73 matça çıxan 39 yaşlı hücumçu 66 qol və 18 assistin müəllifi olub. Eyni zamanda o komanda ilə Ərəb klublarının Çempionlar liqasında qələbə qazanıb.
“Qızıl top” mükafatının 5 qat qalibi olan Kriştiano daha əvvəl karyerası ərzində “Sportinq”, “Mançester Yunayted”, “Real Madrid” və “Yuventus” kimi kollektivlərdə çıxış edib. UEFA Çempionlar liqasını 5 dəfə qazanan təcrübəli futbolçu 2016-cı ildə Portuqaliya millisi ilə Avropa çempionu olub.
Kopyalandı
Seçilmişlər
