İdman
Pleyeri seçin:
Kriştiano Ronaldodan "qol yağışı" davam edir
“Əl-Nəsr”in superulduzu Kriştiano Ronaldonun Səudiyyə Ərəbistanında bombardirlik uğurları davam edir.
38 yaşlı veteran çempionatda vurduğu qolların sayını 8-ə çatdırıb. Belə ki, portuqaliyalı hücumçu 18-ci turda “Damak” kollektivi ilə oyunda artıq fasiləyədək het-trik edib. 8-ci dəqiqədə penaltini dəqiq yerinə yetirən Kriştiano 23-cü dəqiqədə Əl-Qanamın ötürməsindən sonra topu qapıdan keçirib. Növbəti qol ilk yarının sonlarında vurulub. K.Ronaldo Yahyanın assistindən sonra topu tora qovuşdurub: 3-0.
Qarşılaşma məhz bu hesabla yekunlaşıb. İnamlı qələbədən sonra 43 xalı olan “Əl-Nəsr” ilk pillədə qərarlaşıb. “Ər-Riyad” klubu ən yaxın izləyicisi “Əl-İttihad”ı 2 xal qabaqlayır.
Kopyalandı
Seçilmişlər
