Pleyeri seçin:
Kriştiano Ronaldonun Portuqaliya millisi ilə bağlı qərarı
Portuqaliyalı superulduz Kriştiano Ronaldo yığmadakı karyerasını bitirmək niyyətində deyil.
Xarici KİV-də yayılan məlumata görə, Qətərdəki mundialda uğursuzluq Ronaldo üçün güclü zərbə olub. Forvard bu nəticəni qəbul edə bilmir və məqsədi 2026-cı ildə keçiriləcək dünya çempionatında iştirakdır. O bu yarışda çıxış edərək qələbə qazanmaq niyyətindədir.
Xatırladaq ki, 2022-ci il mundialına H qrupunda start verən Portuqaliya seçməsi 1-ci yeri tutaraq 1/8 finala yüksəlib. Burada İsveçrə millisini 6-1 hesabı ilə məğlub edən pireneylilər 1/4 finalda gözlənilmədən Mərakeşə uduzaraq yarışla vidalaşıb.
Kopyalandı
