Lionel Messi və Kriştiano Ronaldo bu klubun formasını geyinəcəklər

Dünya futbolunun ulduzları Kriştiano Ronaldo və Lionel Messi bu yaydan etibarən eyni komandada çıxış edə bilərlər.

Bu, “İnter Mayami” klubunun prezidenti Devid Bekhemin arzusudur. Ötən ilin yayında Messini komandasına cəlb edən funksioner indi də portuqaliyalı hücumçunu ABŞ-yə gətirmək niyyətindədir.

Bildirilir ki, Bekhem transferi reallaşdırmaq üçün hazırda müxtəlif variantları nəzərdən keçirir. Bəzi mənbələr onun artıq Kriştianonun nümayəndələri ilə də danışıqlar apardığını yazır.

Qeyd edək ki, 2022-ci ilin dekabrından “Əl-Nəsr”in formasını geyinən Kriştiano Ronaldonun müqaviləsi 2025-ci ilə qədərdir. Səudiyyə Ərəbistanı komandası ilə ərəb klublarının Çempionlar Liqasını qazanan 39 yaşlı oyunçu ümumən 59 matçda 55 qolla yadda qalıb. Futbolsevərlər tərəfindən ona daim rəqib göstərilən Messi isə “İnter Mayami”də 25 görüşə qatılıb. ABŞ təmsilçisi ilə liqalar kubokuna yiyələnən 36 yaşlı hücumçu ümumilikdə 23 qol vurub.