Lionel Messinin otağı muzeyə çevrilib

Qətərdəki mundial zamanı Lionel Messinin qaldığı otaq muzey kimi fəaliyyət göstərəcək.

Belə ki, Argentina millisi turnir zamanı Qətər Universitetinin kampusunda yerləşmişdi. Mundialdan sonra isə universitet rəhbəliyi Messinin otağını mini muzeyə çevirməyə qərar verib.

Azarkeşlərin argentinalı ulduzun hansı şəraitdə yaşadığını dəqiq görmələri üçün otağın interyeri də dəyişdirilməyəcək. Bundan başqa, bu otağa qonaqlar da yerləşdirilməyəcək.

Qeyd edək ki, növbəti illərdə muzey otağının bir az da genişləndirilməsi və bəzədilməsi istisna edilmir.