İdman
Pleyeri seçin:
Luka Modriç “Real Madrid”dən ayrılır
“Real Madrid”in əsas ulduzlarından Luka Modriç cari mövsümün sonunda klubdan ayrılacaq.
İspaniya mətbuatında yayılan məlumata görə, xorvatiyalı oyunçu bir neçə Səudiyyə Ərəbistanı təmsilçisinin maraq dairəsindədir.
38 yaşlı futbolçu isə karyerasını hansı komandada davam etdirəcəyinə hələ ki qərar verməyib.
Maraq üçün deyək ki, L.Modriçin gedişindən sonra onun 10 nömrəli forması yayda komandaya qoşulacaq Kilian Mbappeyə veriləcək.
Qeyd edək ki, “Real”ın əfsanələrindən birinə çevrilən Luka 2012-ci ildən “los blankos”un şərəfini qoruyur. Bu müddət ərzində 539 matçda forma geyinən təcrübəli oyunçu 39 qol və 86 asistlə yadda qalıb. İspaniya nəhəngi ilə 4 dəfə ölkə çempionu olan Luka Modriç 5 dəfə Çempionlar Liqası, İspaniya Super Kuboku və UEFA Super Kubokunda qalib gəlib. 2006-cı ildən Xorvatiya millisinə də dəvət olunan futbolçu 174 görüşdə 24 dəfə fərqlənib.
Kopyalandı
Seçilmişlər
