Pleyeri seçin:
Maksim Medvedevdən “Qalatasaray”la matç barədə açıqlama
““Qalatasaray”la keçiriləcək oyun çox maraqlı olacaq”.
Bunu martın 14-də jurnalistlərə müsahibəsində Ağdamın “Qarabağ” klubunun kapitanı Maksim Medvedev deyib. O bildirib ki, hamı matçı səbirsizliklə gözləyir.
“Nəhayət ki, bu görüş baş tutacaq. İndidən hamı mənə yazır ki, biletləri hazırla, gələcəyik. “Qalatasaray”la oyuna əsas heyətlə çıxa bilməyəcəyik. Çünki milli komandalara çağırılan futbolçular meydanda olmayacaqlar. Ancaq əsas odur ki, “Qalatasaray” kimi komanda bizimlə yoldaşlıq görüşü keçirəcək. Çox güman ki, həmin vaxt “Qarabağ”ın düşərgəsində olacağam. Məni “Qalatasaray”la matçda görəcəksiniz”, - deyə kapitan vurğulayıb.
Qeyd edək ki, “Qarabağ” - “Qalatasaray” matçının Bakı Olimpiya Stadionunda keçirilməsi nəzərdə tutulub.
Kopyalandı
#Maksim Medvedev teqi istifadə olunub
Seçilmişlər
