“Mançester Siti” növbəti dəfə ağır məğlubiyyətlə üzləşib

03 fevral 2025 505 baxış

İngiltərə Premyer liqasında 24-cü turun mərkəzi matçında “Arsenal” və “Mançester Siti” klubları qarşılaşıb.

“Emireyts” arenasında təşkil olunan və topçuların inamlı qələbəsi ilə bitən görüşdə ilk qolu artıq 2-ci dəqiqədə Martin Ödeqor vurub.

“Şəhərlilər”in cavabı 55-ci dəqiqədə gəlib. Erlinq Holand fərqlənib. Lakin 1 dəqiqə sonra Tomas Parti yenidən londonluları irəli çıxarıb.

Az sonra Mayls Lyuis-Skelli 3-cü topu mankunianların qapısına göndərib. Təzyiqi azaltmayan “Arsenal” bundan sonra daha 2 dəfə “Siti”ni məyus edib.

76-cı dəqiqədə Kay Haverts, artırılan dəqiqələrdə isə Etan Nvanerinin zərbəsi dəqiq olub. “Arsenal” – “Mançester Siti”: 5-1.

Bu qələbə sayəsində Şimali London klubu 50 xalla 2-ci yerdədir. Komanda lider “Liverpul”dan 6 xal geri qalır. 41 xalı olan “şəhərlilər” isə 4-cüdür.

Növbəti turda “Arsenal” səfərdə “Lester Siti” ilə üz-üzə gələcək. “Mançester Siti” isə “Nyukasl”ı qəbul edəcək.

#Mançester Siti FK

#Arsenal FK

#İngiltərə Premyer liqası

#Futbol xəbərləri

Kopyalandı

"Neftçi"nin futbolçusunun bu qolu dünya trendinə çevrildi | Yeni idman xəbərləri - Baku TV