Pleyeri seçin:
“Mançester Siti” və “Arsenal” super kubokun sahibini müəyyənləşdirdi
Xəbərlərimizi Google-da izləyin
Yeniliklərdən dərhal xəbərdar olun
Futbol üzrə İngiltərə Super kubokunun qalibi müəyyənləşib.
Mükafat uğrunda matçda ötən mövsüm Premyer Liqa və FA kubokunu qazanan “Mançester Siti” ilə çempionatı 2-ci yerdə tamamlayan “Arsenal” üz-üzə gəlib.
“Uembli” arenasında baş tutan görüşdə ilk hissə qolsuz yekunlaşıb. Komandaların fərqlənmək cəhdləri 77-ci dəqiqədə nəticə verib. Koul Palmer “şəhərlilər”i hesabda irəli çıxarıb. Məğlubiyyətdən qurtulmaq üçün irəli atılan “topçular” əsas vaxta artırılan 11-ci dəqiqədə tarazlığı bərpa ediblər. Leandro Trossard hesabı bərabərləşdirib: 1-1.
Qalibi müəyyənləşdirmək üçün təyin olunan penaltilər seriyasında isə “Arsenal” futbolçuları daha dəqiq olublar. Londonluların 4 uğurlu cəhdinə “Siti”nin oyunçuları ancaq 1 dəqiq zərbə ilə cavab veribıər. Beləliklə, 11 metrlik zərbələrdə üstün olan “Arsenal” 17-ci dəfə İngiltərə Super kubokuna yiyələnib.
Qeyd edək ki, Mikel Artetanın rəhbərliyi ilə 2-ci dəfə bu mükafatı qazanan Şimali London klubu ispaniyalı baş məşqçinin dövründə həm də FA kubokunda qələbəyə sevinib.
Kopyalandı
Seçilmişlər
