“Mançester Yunayted”in ulduz futbolçusu “Qalatasaray”a gəlir

“Mançester Yunayted”in ulduzu Kristian Eriksen karyerasını “Qalatasaray”da davam etdirə bilər.

Xarici KİV-də yayılan məlumata görə, “sarı-qırmızılar” danimarkalını icarə əsasında heyətinə qatmağı planlaşdırır. İddialara görə, 31 yaşlı yarımmüdafiəçi ilə artıq şifahi razılıq əldə olunub.

Qeyd edək ki, karyerası ərzində “Ayaks”, “Tottenhem”, “İnter” və “Brentford” kimi kollektivlərdə top qovan Eriksen 2022-ci ildən “qırmızı şeytanlar”ın formasını geyinir. İngiltərə təmsilçisi ilə müqaviləsi 2025-ci ilə qədər olan oyunçu 63 görüşdə 3 qolun müəllifidir.