Pleyeri seçin:
Marko Verrattinin 11 illik “Pari Sen-Jermen” macərası bitdi
Xəbərlərimizi Google-da izləyin
Yeniliklərdən dərhal xəbərdar olun
Uzun illər “Pari-Sen Jermen”in liderlərindən olan Marko Verratti Qətərin “Əl-Ərəbi” kollektivinə transfer olunub.
Bildirilir ki, Verrattinin keçidinə görə Fransa nəhənginə 45 milyon avro ödənilib.
“Əl-Ərəbi” ilə 2 illik müqavilə imzalayan Marko yeni kollektivində 7 nömrəli formanı geyinəcək. Onun bu müddət ərzində gəlirinin isə təqribən 90 milyon avro olacağı ehtimal olunur.
Qeyd edək ki, Marko Verratti 2012-ci ildən PSJ-də çıxış edirdi. Parislilərin 12 milyon avroya “Peskara”dan transfer etdiyi 30 yaşlı yarımmüdafiəçi bu müddət ərzində 416 görüşdə komandanın şərəfini qoruyub. Paytaxt təmsilçisinin kapitanlarından olan Marko komanda ilə 9 dəfə Fransa çempionu olmaqla yanaşı, bir o qədər superkubokda qələbə qazanıb. Bundan başqa, Verratti PSJ ilə ölkə və liqa kubokunda 6 dəfə qalib gəlib.
Kopyalandı
Seçilmişlər
