İdman
Pleyeri seçin:
Mauro İkardi “Fənərbağça”ya keçməyə yaxındır
Geridə qalan mövsümdə “Qalatasaray”ın çempionluğunda vacib rol oynayan Mauro İkardi “Fənərbağça”ya qoşula bilər.
Belə ki, Lionel Messinin gedişindən sonra Neymar və Mbappe ilə də vidalaşmağa hazırlaşan PSJ heyətini Avropanın ən istedadlı oyunçularından hesab olunan Arda Gülərlə gücləndirmək istəyir. Son xəbərlərə görə, klubların rəhbərləri artıq mümkün transferi müzakirə ediblər.
Mətbuatda yayılan məlumata əsasən, “Fənərbağça”nın prezidenti Ali Koç Ardanın qarşılığında müəyyən məbləğlə yanaşı, Mauro İkardini keçidini istəyib. Futbolçuların isə bu məsələyə münasibəti hələ ki məlum deyil.
Qeyd edək ki, “Gənclərbirliyi”nin yetirməsi olan Arda Gülər 2021-ci ildən “Fənərbağça”da çıxış edir. İstedadlı oyunçu bu müddət ərzində 52 oyunda 9 qol vurub. Ötən mövsümü icarə əsasında “Qalatasaray”da keçirən Mauro İkardi isə bütün turnirlədə 26 matçda 23 qolun müəllifidir.
Kopyalandı
Seçilmişlər
