Məşhur almaniyalı mütəxəssis Azərbaycan millisini çalışdıra bilər

Türkiyə millisinin sabiq baş məşqçisi Ştefan Kunts Azərbaycan yığmasını çalışdıra bilər. Bu barədə Almaniya mətbuatında məlumat paylaşılıb.

İddia olunur ki, AFFA artıq 61 yaşlı mütəxəssislə danışıqlara start verib. Lakin almaniyalı çalışdırıcı Azərbaycanla yanaşı, Kanada yığmasının da maraq dairəsindədir. Təcrübəli məşqçiyə hər 2 ölkədən təklif gəldiyi bildirilir. Maraqlıdır ki, Kunts yayda Tomas Tuxellə yollarını ayıracaq “Bavariya”nın da namizədlərindən sayılır.

Qeyd edək ki, Ştefan Kunts ötən ilin sentyabrında Türkiyə millisindən istefaya göndərilib. “Ay-ulduzlular” onun rəhbərliyi ilə 20 matçda 12 qələbə 5 məğlubiyyət əldə ediblər.