Məşhur futbolçu 31 yaşında karyerasına nöqtə qoydu

Fransalı məşhur futbolçu, 2018-ci il dünya çempionatının qalibi Rafael Varan karyerasını sonlandırıb.

Məşhur oyunçu bu barədə şəxsi “Instagram” hesabında paylaşım edib.

Çıxış etdiyi bütün klublara, eləcə də komanda yoldaşlarına təşəkkür edən 31 yaşlı müdafiəçi vidalaşmaq zamanının gəldiyini yazıb.

Qeyd edək ki, son olaraq İtaliyanın “Komo” kollektivində forma geyinən R.Varan İtaliya kubokunda “Sampdoriya” ilə matçda zədələndiyi üçün əvəzlənmişdi. Mediada yayılan xəbərə görə, Rafaelin karyerasına nöqtə qoymasının əsas səbəblərindən biri də məhz zədələr oldu.