Məşhur futbolçu "Qarabağ"dan gedir?

"Qarabağ" klubu əsas ulduzlarından Yassin Benzianı itirə bilər.

Mediada yayılan məlumata görə, 29 yaşlı oyunçu Fransa komandalarının maraq dairəsindədir.

Belə ki, Y.Benzia yetirməsi olduğu “Lion”la yanaşı, “Nitsa”nın əsas hədəfinə çevrilib. Lakin “köhlən atlar”la müqaviləsi 2025-ci ilə qədər olan futbolçu gələcəyi ilə bağlı qərar verməyə tələsmir.

Qeyd edək ki, karyerası ərzində Fransanın “Djon” və “Lill”, eləcə də Türkiyənin “Fənərbağça” və “Hatayspor” komandalarında çıxış edən Yassin ötən ildən “Qarabağ”ın formasını geyinir.

“Transfermarkt” portalına əsasən, dəyəri 1 milyon avro olan əlcəzairli oyunçu ağdamlıların heyətində 53 görüşdə meydana çıxıb. Bu matçlarda 16 qol və 15 məhsuldar ötürmə müəllifi olan Y.Benzia Ağdam təmsilçisi ilə 2 dəfə ölkə çempionu olub. 2016-cı ildən Əlcəzair millisinə də çağırılan Yassin 4 qarşılaşmada 2 qol vurub.