Pleyeri seçin:
Məşhur güləşçimiz karyerasını sonlandırmağa qərar verib
Ölkəmizin məşhur yunan-Roma güləşçilərindən Taleh Məmmədov karyerasını başa vurub.
34 yaşlı idmançı bundan sonra məşqçi kimi fəaliyyət göstərəcək.
Bununla bağlı məlumat paylaşan Azərbaycan Güləş Federasiyası xidmətlərinə görə Talehə təşəkkür edərək, ona yeni uğurlar arzulayıb.
Qeyd edək ki, Taleh Məmmədov 2022-ci ildə Belqradda keçirilən dünya çempionatının bürünc mükafatçısıdır. 63 kq çəkidə çıxış edən pəhləvan həm də 4 dəfə Avropa çempionatlarında fəxri kürsüyə qalxıb.
Belə ki, Varşava-2021, Budapeşt-2022 və Zaqreb-2023 qitə çempionatlarında gümüş medala yiyələnən Taleh 2019-cu ildə Buxarestdə təşkil olunan turnirdə bürünc mükafat qazanıb. Bundan başqa, o, 2022-ci ildə Romada və 2023-cü ildə Zaqrebdə baş tutan Qran-pri yarışlarında qalib gəlib.
Kopyalandı
#Taleh Məmmədov teqi istifadə olunub
Seçilmişlər
