Məşhur klubdan "Qarabağ"ın futbolçusuna milyonluq təklif

“Qarabağ”ın əsas üzvlərindən Julio Romao karyerasını Xorvatiyada davam etdirə bilər. 26 yaşlı yarımmüdafiəçi “köhlən atlar”ın Çempionlar liqasının pley-off mərhələsindəki rəqibi “Dinamo Zaqreb”in diqqət mərkəzindədir.

Son xəbərlərə görə, Xorvatiya təmsilçisi J.Romao üçün 2,5 milyon avroluq təklif hazırlayıb. Lakin Ağdam klubu Julio üçün 5 milyon avro tələb edir. Bu səbəbdən transferin baş tutmayacağı bildirilib.

Qeyd edək ki, Julio Romao 2022-ci ildən “Qarabağ”ın formasını geyinir. Bu müddət ərzində 98 görüşdə meydana çıxan J.Romao 2 qol və 5 assist müəllifi olub. Ağdamlılarla 2 dəfə ölkə çempionu olan braziliyalı kubokda da qalib gəlib.