Messi "İnter Mayami"yə "Instagram"da 7 milyon izləyici qazandırdı

Ulduz futbolçu Lionel Messinin “İnter Mayami” komandasına qoşulacağını açıqlamasından sonra bu klub “Instagram”da böyük populyarlıq qazanıb.

Cəmi bir neçə gün ərzində MLS kollektivinin rəsmi səhifəsində izləyici sayı 1 milyondan 8 milyona çatıb. Bu göstərici ilə “İnter Mayami” sözügedən sosial şəbəkədə ABŞ-nin digər futbol komandalarını qabaqlayaraq 1-ci yerə yüksəlib.

İzləyici sayında böyük artım olan Mayami təmsilçisi yalnız NBA nəhəngləri “Qolden Steyt Vorriorz”, “Los Anceles Leykers”, “Klivlend Kavalyers” və “Çikaqo Bullz”dan geri qalır.