Messinin fanatı etdiyi hərəkətlə diqqət çəkdi

PSJ-nin futbolçusu, dünya ulduzu Lionel Messi gənc fanatının xəyallarını gerçəkləşdirib.

Belə ki, illərdir onu yaxından görmək arzusu ilə yaşayan Xuan Polkan adlı azarkeş Parisə getməyə qərar verib. Leonun yaşadığı malikanəni tapdıqdan sonra isə Xuan evin qarşısında kumirini gözləmək qərarına gəlib.

Təqribən 10 saat orada dayanan X.Polkan yekunda arzusuna çatıb. Gənc azarkeşin saatlardır qapıda dayandığını görən L.Messinin həyat yoldaşı Antonella Rokutso onu evlərinə dəvət edib. Birlikdə şam yeməyi yedikdən sonra isə Leo X.Polkanın qoluna imza atıb və onunla şəkil çəkdirib.

Qeyd edək ki, sosial şəbəkə hesabında müxtəlif şəkillərlə L.Messiyə olan heyranlığını nümayiş etdirən Xuan Leonun imza atdığı yeri qoluna döymə etdirib.