Pleyeri seçin:
Mesut Özil Azərbaycana gələcək
Xəbərlərimizi Google-da izləyin
Yeniliklərdən dərhal xəbərdar olun
Almaniyalı futbol ulduzu Mesut Özil Bakıya gələcək. Sabiq oyunçu “Qarabağ” klubunun qonağı olacaq.
Bu barədə ağdamlıların rəsmi sosial media hesablarında məlumat paylaşılıb.
Bildirilir ki, M.Özil oktyabrın 11-i saat 16:30-da “Azersun Arena”da əvvəlcə komandanın açıq məşqini izləyəcək. Daha sonra o, gənc futbolçularla əyləncəli oyunlara qatılacaq.
Qeyd edək ki, ötən il karyerasını sonlandıran Mesut Özil müxtəlif vaxtlarda Almaniyanın “Şalke” və “Verder”, İspaniyanın “Real Madrid”, İngiltərənin “Arsenal”, habelə Türkiyənin “Fənərbağça” və “Başakşehir” komandalarında çıxış edib.
Ümumilikdə 605 matça qatılan yarımmüdafiəçi 98 qolun müəllifi olub. Klub səviyyəsində bir çox mükafatlar qazanan Mesut Almaniya millisi ilə 2014-cü ildə Braziliyada keçirilən mundialda qalib gəlib.
Kopyalandı
Seçilmişlər
