Millimizin üzvü Ramil Şeydayev ağır cəza alıb

Xəbər verdiyimiz kimi, Tailandın “Buriram Yunayted” klubunda top qovan Ramil Şeydayev Çinin “Çjetszyan” klubu ilə matçdan sonra dava edib.

Asiya Çempionlar Liqasında baş verən bu insidentlə əlaqədar millimizin üzvünə verilən cəza məlum olub. Asiya Futbol Konfederasiyasının qərarına əsasən, Ramil 8 oyunluq cəzalandırılıb.

Qeyd edək ki, Asiya Çempionlar liqası çərçivəsində keçirilən sözügedən qarşılaşma Çin təmsilçisinin 3-2 hesablı qələbəsi ilə yekunlaşıb. Ramil Şeydayev bu oyunda 90 dəqiqə meydanda olsa da, qolla yadda qalmayıb.

Xatırladaq ki, Ramil bu ilin yayından “Buriram Yunayted”də çıxış edir. Tailand komandasının heyətində bütün yarışlarda 16 oyun keçirən R.Şeydayev 1 qol və 4 məhsuldar ötürmə müəllifidir.