İdman
Pleyeri seçin:
“Neftçi” çoxdan gözlənilən transferi reallaşdırıb
Yay transfer pəncərəsində fəallığı ilə diqqət çəkən “Neftçi” daha bir futbolçunu komandaya cəlb edib.
“Ağ-qaralar” rusiyalı oyunçu Reziuan Mirzovla 1 illik müqavilə bağlayıb. 30 yaşlı vinger Bakı klubunun heyətində 22 nömrəli formada çıxış edəcək.
Qeyd edək ki, son olaraq Rusiyanın “Ximki” komandasında top qovan Reziuan Mirzov 67 matçda 14 qolla yadda qalıb. Bakı təmsilçisinə azad agent kimi qoşulan futbolçu daha əvvəl karyerası ərzində Rusiyanın “Spartak Moskva”, “Torpedo Moskva”, “Arsenal Tula” kimi tanınmış klublarında çıxış edib.
2018-ci ildə “Tosno” ilə Rusiya kubokunun qalibi olan Mirzov 2018/2019-ci illər mövsümündə ölkə çempionatının 33 ən yaxşı futbolçusu siyahısında yer alıb.
Kopyalandı
