“Neftçi” daha bir futbolçu ilə yollarını ayırıb

“Neftçi” daha bir futbolçusu ilə yollarını ayırıb.

“Ağ-qaralar” xorvatiyalı qolkiper İvan Brkiçlə vidalaşıb. Bu barədə paytaxt təmsilçisindən rəsmi məlumat verilib.

Göstərdiyi xidmətlərə görə futbolçuya təşəkkür edən klub ona gələcək karyerasında uğurlar arzulayıb.

Maraq üçün deyək ki, 29 yaşlı qapıçının artıq yeni komandası da məlumdur. İvan Polşanın “Motor Lublin” kollektivi ilə 2 illik müqavilə imzalayıb.

Qeyd edək ki, İvan Brkiç 2022-ci ildən “Neftçi”nin şərəfini qoruyurdu. Bu müddət ərzində 68 matçda 68 top buraxan qolkiper 28 oyunda isə qapısını toxunulmaz saxlayıb.