“Neftçi” klubu daha bir futbolçusu ilə vidalaşıb

“Neftçi” klubu legioneri Dieqo Valdezlə yollarını ayırıb.

Bu barədə “ağ-qaralar”ın Mətbuat Xidmətindən məlumat verilib.

31 yaşlı yarımmüdafiəçinin başa çatan müqaviləsinin müddəti yenilənməyib. Klub ona göstərdiyi xidmətlərə görə təşəkkür edib və gələcək karyerasında uğurlar arzulayıb.

Qeyd edək ki, Dieqo Valdez 2023-cü ildən “Neftçi”nin formasını geyinirdi. Bu müddət ərzində 27 oyunda meydana çıxan yarımmüdafiəçi 3 qol və 1 assist müəllifi olub.