“Neftçi” klubuna yeni idman direktoru təyin olunub

“Neftçi” klubunda yeni təyinat reallaşıb.

Bakı təmsilçisi Avropanın təcrübəli və tanınmış futbol funksionerlərindən biri, İsveç millisinin idman direktoru Yens Anderssonla müqavilə imzalayıb. 50 yaşlı mütəxəssis “Neftçi”də idman direktoru vəzifəsinə təyin olunub.

Qeyd edək ki, Y.Andersson daha əvvəl ölkəsinin “AİK Solna”, Xorvatiyanın “Hayduk Split” və Danimarkanın “Aarhus” klublarında işləyib. 2022-ci ildən isə İsveç millisində idman direktoru kimi fəaliyyət göstərib. Yens Andersson son vaxtlar İsveçin bütün yaş qrupları üzrə yığmalarında, habelə qadınlardan ibarət millisinin uğurlarında böyük pay sahibidir. “Neftçi” klubunun Yens Anderssonu idman direktoru təyin etməsi qabaqcıl Avropa təcrübələrinə əsaslanan yeni struktur və sistem quruculuğu ilə bağlı klubun mövsümün əvvəlində bəyan etdiyi niyyətlərin ciddiliyini bir daha təsdiq edir.