İdman
Pleyeri seçin:
“Neftçi” komandasının qış təlim-məşq toplanışı start götürdü
“Neftçi” komandası Türkiyənin Antalya şəhərindəki təlim-məşq toplanışına start verib.
Mövsümün 2-ci yarısına hazırlığı Belek bölgəsində davam etdirən kollektivin ilk məşq günündə bir müddət zədəli olan Qara Qarayev və Fərid Yusifli yenidən heyətə qayıdıblar. Onlar fərdi hazırlıqlara başlayıblar.
Çempionatın son turunda “Kəpəz”lə oyunda zədələnən Rezuan Mirzov isə hələ ki, müalicəsini davam etdirir. Komandanın daha 3 üzvü – Kilan Lebon, Andre Şinyaşiki və Yuri Matias isə toplanışın növbəti günlərində komandaya qoşulacaqlar.
Qeyd edək ki, “Neftçi” Türkiyədə olduğu müddətdə 2 yoxlama matçı keçirəcək. “Ağ-qaralar”ın ilk rəqibi yerli “Ərzurumspor” klubu olacaq. 1-ci liqa təmsilçisi ilə qarşılaşma yanvarın 6-da baş tutacaq.
Kopyalandı
