“Neftçi” Premyer Liqanın 35-ci turunda “Kəpəz”i qəbul edir

Bu gün futbol üzrə Azərbaycan Premyer liqasında 34-cü tura start veriləcək.

Avrokuboklara qatılmaq uğrunda mübarizə aparan “Neftçi” komandası “Kəpəz”i qəbul edəcək.

“Neftçi Arena”da keçiriləcək qarşılaşma Bakı vaxtı ilə saat 19:00-da başlayacaq. Oyunun baş hakimi isə Fərid Hacıyev olacaq.

Görüş ərəfəsində “ağ-qaralar”ın heyətində bir sıra itkilər var. Belə ki, bərpa prosesi keçən Emil Balayevlə yanaşı, müalicəsini davam etdirən Emin Mahmudov və Alfa Konte, eləcə də ötən turda qırmızı vərəqə alan Yuri Matias bu matçı buraxmalı olacaq.

Qeyd edək ki, “Neftçi” bu qarşılaşma ərəfəsində o qədər də yaxşı formada deyil. Bütün yarışlarda son 7 oyunun 4-də uduzan və 1-də heç-heçə edən kollektiv digər 2 matçda qələbə qazanıb.