“Neftçi” - “Sabah” matçında qapılara 3 qol vurulub

03 aprel 2025 194 baxış

“Neftçi” komandası Azərbaycan kubokunda növbəti görüşünü keçirib.

“Ağ-qaralar” 1/4 finalın ilk matçında “Sabah” kollektivini qəbul edib.

Qarşılaşmada hesab 11-ci dəqiqədə açılıb. Meydan sahiblərinin üzvü Azər Salahlı avtoqol müəllifi olub. Lakin “Neftçi”nin cavabı özünü çox gözlətməyib.

21-ci dəqiqədə qonaqların qapısına penalti təyin olunub. Yuri Matiasın zərbəsindən sonra Stas Pokatilov qurtarış etsə də, braziliyalı topa daha tez yetişərək tarazlığı bərpa edib: 1-1. İlk hissə bu hesabla yekunlaşıb.

2-ci yarıda da meydanda maraqlı mübarizə gedib. 52-ci dəqiqədə Pavol Şafranko “Sabah”a üstünlük qazandırıb: 2-1. Qalan vaxtda “ağ-qaralar” məğlubiyyətdən qurtulmağa çalışsa da, hücumları nəticə verməyib. Sərfəli hesabı qoruyan “bayquşlar” mərhələnin ilk oyununu qalib tamamlayıb.

Tərəflər arasında yarımfinalın cavab matçı aprelin 23-ü “Sabah”ın stadionunda təşkil olunacaq.

#Neftçi FK