İdman
Pleyeri seçin:
Nəriman Axundzadə karyerasını Səudiyyə Ərəbistanı klubunda davam etdirəcək?
“Qarabağ”ın gənc ulduzu Nəriman Axundzadə klubla yollarını ayıra bilər.
Yerli mediada yayılan məlumata görə, “köhlən atlar” komandaya qayıdan Musa Qurbanlını əsas hücumçu Juninyonun əvəzləyicisi kimi görür. Bu səbəbdən M.Axundzadə Ağdam təmsilçisindən ayrılmaq qərarına gəlib.
Son xəbərlərə əsasən, “Qarabağ”la müqaviləsi 2028-ci ilə qədər olan Nərimanın yerli kollektivlərdən birinə icarəyə verilməsi planlaşdırır. Lakin 20 yaşlı oyunçunun legioner həyatı yaşaması da istisna deyil.
İddia olunur ki, Nəriman Səudiyyə Ərəbistanı liqasında çıxış edə bilər. Ancaq onunla hansı klubun maraqlandığı açıqlanmayıb.
Qeyd edək ki, Nəriman Axundzadə 2022-ci ildən “Qarabağ”ın əsas heyətində çıxış edir. Bu müddət ərzində 57 matçda 17 qol vuran forvard ağdamlılarla 2 dəfə ölkə çempionu olub.
Kopyalandı
Seçilmişlər
