Neymar karyerasını Səudiyyə Ərəbistanında davam etdirəcək

Dünya futbolunun daha bir ulduzu karyerasını Səudiyyə Ərəbistanında davam etdirəcək.

Son xəbərlərə görə, PSJ-nin üzvü Neymar “Əl-Hilal”la müqavilə imzalamağa yaxındır. İddia edilir ki, braziliyalı forvard artıq bu klubla razılıq əldə edib. O, Ərəbistan təmsilçisinin heyətində 2 il ərzində 160 milyon avro qazanacaq.

Maraq üçün deyək ki, Paris təmsilçisi ilə müqaviləsi 2025-ci ilə qədər olan Neymarın daha əvvəl sabiq klubu “Barselona”ya qayıdacağı bildirilirdi. Lakin 31 yaşlı braziliyalı futbolçu Ərəbistan klubunun fantastik təklifindən imtina edə bilməyib.