Neymar yenidən bu klubda çıxış edəcək

Dünya futbolunun əsas ulduzlarından olan Neymar hazırda çıxış etdiyi "Əl-Hilal" klubundan ayrılacaq.

Bu barədə xarici mediada xəbərlər paylaşılıb.

Bildirilib ki, 32 yaşlı forvard Səudiyyə Ərəbistanı təmsilçisi ilə müqaviləsini yeniləməyəcək. O, 2025-ci ilin yayında azad agent kimi sabiq klubu "Santos"a qayıtmağa qərar verib.

Qeyd edək ki, karyerası ərzində “Santos”la yanaşı, “Barselona” və PSJ klublarında da top qovan Neymar 2023-cü ildə 90 milyon avroya "Əl-Hilal"a transfer olunub. Zədə səbəbindən komandada cəmi 5 oyun keçirən təcrübəli hücumçu 1 qol vurub və 3 məhsuldar ötürmə müəllifi olub.

Onun əsas uğurları isə “Barsa” ilə bağlıdır. “Blauqrana” ilə La Liqa, İspaniya Kuboku və Super Kubokunda qələbə qazanan forvard Çempionlar Liqası və klublararası dünya çempionatında da qalib gəlib. 2010-2023-cü illərdə Braziliya millisinə də çağırılan Neymar 128 matçda 79 qolun müəllifi olub.