Olavio Juninyodan "Qarabağ"a təşəkkür

“Qarabağ”ın ulduzu Olavio Juninyo “Bayer”ə 2-3 hesabı ilə uduzduqları Avropa Liqasının 1/8 final mərhələsinin cavab oyunu ilə bağlı paylaşım edib.

27 yaşlı hücumçu şəxsi “Instagram” hesabında fotolar yayımlayıb.

O, bu paylaşımında "Tarix yazdıq, bu anı yaşatdığı üçün "Qarabağ"a təşəkkür edirəm" sözlərini yazıb.

Qeyd edək ki, “Bayer” və “Qarabağ” arasında Avropa Liqasının 1/8 final mərhələsinin hər 2 matçında O.Juninyo leverkuzenlilərin qapısına yol tapıb. Xatırladaq ki, 2 görüşün yekununda 5-4 hesabı ilə qalib gələn “Bayer” 1/4 finala adlayıb.