Ölkə çempionatının 22-ci turunda "Qarabağ" "Sabah"la qarşılaşacaq

Azərbaycan çempionatında 22-ci tura start verilir.

İlk oyun günündə cəmi 1 matç baş tutacaq. Son çempion “Qarabağ” “Sabah” kollektivi ilə üz-üzə gələcək. Tofiq Bəhramov adına Respublika Stadionunda keçiriləcək görüşün start fiti saat 19-da veriləcək.

Qeyd edək ki, bu qarşılaşma komandaların ölkə çempionatları tarixində 22-ci dueli olacaq. Əvvəlki 21 oyunun 14-də Ağdam təmsilçisi, 1-də isə Bakı klubu qələbə qazanıb. 6 görüşdə qalib müəyyənləşməyib.

Əlavə edək ki, “Qarabağ” 50 xalla çempionatın lideridir. “Sabah” 27 xalla 5-ci yerdə qərarlaşıb.